Зорилтууд
Далай Ламын Гандан Потан санг Дээрхийн Гэгээнтэн XIV Далай Лам үүсгэн байгуулсан бөгөөд хүн төрөлхтний үндсэн үнэт зүйлс, шашин хоорондын харилцан ойлголцол, энх тайван, хүчирхийллээс ангид байх, байгаль орчныг хамгаалахад дэмжлэг үзүүлэхийг зорьдог. Мөн Төвөдийн өвөрмөц соёлыг хадгалахад туслахаас гадна төвөд ард түмнийг болон үндэс угсаа, шашин шүтлэг, гарал үүсэл үл харгалзан бусад тусламж хэрэгтэй хүмүүсийг ч дэмждэг.
Хүн төрөлхтөн
“Хүн төрөлхтний сайн сайхан, эв нэгдлийн төлөө ажиллахдаа би өөрийгөө төвөд хүн эсвэл буддын шашинтан гэж онцгойлон боддоггүй, бусдын л адил хүн гэж боддог. Бид хүн төрөлхтнийг бодох ёстой. Хүн байхын утга учир бол бид бусдаас хамааран амьдардаг тул илүү энэрэнгүй сайхан ертөнцийг бий болгохын төлөө хичээл зүтгэл гаргахад оршино.”